Labubu është një lodër pellushi në formë përbindëshi, por është gjithashtu në rrugë për t’u kthyer në një biznes miliardë-dollarësh.
Këtë javë, prodhuesi i Labubu-t, Pop Mart, publikoi rezultatet financiare për gjysmën e parë të vitit 2025, duke dhënë një pasqyrë më të qartë për sa i çmendur është tregu botëror pas kësaj lodre përbindëshi. Seria Monsters e Pop Mart, e cila përfshin edhe Labubu-n, gjeneroi rreth 670 milionë dollarë të ardhura vetëm në gjysmën e parë të vitit, duke e vënë në rrugën e sigurt për të kaluar 1 miliard dollarë deri në fund të vitit. Ky është një rritje prej 688% krahasuar me vitin e kaluar, madje duke tejkaluar edhe shitjet e lodrave të Mattel si Barbie dhe Hot Wheels.
Të shitura në formatin surprizë të quajtur “blind box”, këto lodra — të prodhuara nga kompania kineze Pop Mart — shpërthyen në popullaritet ndërkombëtar kur anëtarja e BLACKPINK, Lisa, pranoi obsesionin e saj me këto krijesa “të shëmtuara-por-të-ëmbla”. Më pas, yje si Cher, Kim Kardashian, Paris Hilton, Marc Jacobs dhe të tjerë u panë me lodrat Labubu, të cilat shpesh varen në çantat e tyre të dizajnit si varëse çelësash.
Këto personazhe, të frymëzuara nga mitologjia dhe të krijuara dhjetë vite më parë, tani janë bërë po aq të famshme si çantat Telfar në vitin 2020, dhe janë po aq të vështira për t’u gjetur.
