Fluksi në pikat e kalimit kufitar të Kosovës vazhdon të jetë i qetë në pjesën më të madhe të tyre, me kohë pritjeje mesatare nga 3 deri në 5 minuta si për automjetet ashtu edhe për kamionët.
Sipas të dhënave të përditësuara sot (21 gusht 2025, ora 06:49), situata paraqitet normale në pikat kufitare Bërnjak, Dheu i Bardhë, Glloboqicë, Hani i Elezit, Jarinje, Kullë, Muçibabë, Mutivodë, Qafë e Morinës, Qafë e Prushit, Stançiq dhe Vërmicë, ku nuk ka kolona dhe qarkullimi zhvillohet pa vonesa.
Megjithatë, në pikën kufitare Merdarë vërehet fluks i shtuar, ku automjetet në hyrje presin nga 5 deri në 10 minuta, ndërsa në dalje pritjet shkojnë deri në 50-60 minuta, me një kolonë rreth 600 metra të gjatë.
Autoritetet bëjnë thirrje që qytetarët të informohen për gjendjen në kohë reale para se të nisen drejt kufirit dhe, nëse është e mundur, të shfrytëzojnë pikat alternative për të shmangur pritjet e gjata.
