Deputeti Anton Quni ka reaguar pas deklaratave të deputetes Donika Gërvalla-Schwarz, e cila shprehu pakënaqësi pse ai nuk e kishte votuar për kryetare të Kuvendit.
Në një shkrim publik, Quni thekson se për të besimi dhe besnikëria janë themeli i çdo marrëdhënieje, qoftë në jetë apo politikë. Ai theksoi se nuk mund t’i japë mbështetje një personi që, sipas tij, ka ndryshuar qëndrim politik dhe ka braktisur njësinë.
“Është njësoj sikur të avancosh në detyrë një ushtar që ka dezertuar një ditë më parë,” ka deklaruar Quni, duke shtuar se përparësi u jep gjithmonë atyre që qëndrojnë besnikë edhe kur gjërat bëhen të vështira.
Sipas tij, vetëm kjo lloj besnikërie krijon besim të vërtetë dhe e bën të mundur një politikë që i shërben qytetarëve.
