Deputeti i Lëvizjes Vetëvendosje, Arber A. Rexhaj, ka reaguar përmes një postimi në rrjete sociale lidhur me procesin e vendimmarrjes në Panelin Zgjedhor për Ankesa dhe Parashtresa (PZAP).
Rexhaj tha se vendimet e ardhshme për çështje të rëndësishme për Kosovën do të varen nga tre gjyqtarë të përzgjedhur me short nga gjithsej dhjetë anëtarë të PZAP-it.
“Fatin e Kosovës tash e kanë në dorë 3 – që zgjedhen me short – nga këta 10 gjyqtarët e PZAP. A po e njihni ndonjërin?”, ka shkruar Rexhaj, duke shpërndarë edhe linkun zyrtar me listën e anëtarëve të këtij institucioni: pzap.rks-gov.net.
Ky reagim i deputetit vjen në një kohë kur PZAP pritet të marrë vendime kyçe që mund të ndikojnë në zhvillimet politike dhe institucionale të vendit.
