Policia konfiskon armë automatike dhe municion
Policia e Kosovës ka arrestuar 10 persona në Lipjan, anëtarë të dy familjeve, pasi dyshohet se janë përfshirë në një rrahje mes vete.
Sipas njoftimit të policisë, gjatë përleshjes janë përdorur mjete të forta, ndërsa në posedim të njërit prej të dyshuarve është gjetur një armë automatike me dy karikatorë dhe 46 fishekë, e cila nuk është përdorur në incident.Nga përleshja kanë mbetur të lënduar dy persona. Njëri prej tyre është liruar pas tretmanit mjekësor, ndërsa tjetri është dërguar në Qendrën Klinike Universitare të Kosovës (QKUK) për trajtim të mëtutjeshëm.
Pas intervistimit, me vendim të prokurorit, të gjithë të dyshuarit – përfshirë edhe të lënduarit – janë ndaluar për 48 orë.Si dëshmi materiale, njësitë policore kanë konfiskuar armën automatike, dy karikatorët, fishekët si dhe mjetet tjera që dyshohet se janë përdorur gjatë rrahjes.
Hetimet për zbardhjen e motiveve të incidentit janë duke vazhduar.
