Kryeministri i Republikës së Kosovës, Albin Kurti, i shoqëruar nga deputetë dhe bashkëpunëtorë, ka bërë sot homazhe pranë varrit të Komandantit të Ushtrisë Çlirimtare të Kosovës, Ismet Jashari – Kumanova, në 27-vjetorin e rënies së tij heroike.
Gjatë fjalës së tij, Kurti vlerësoi lart veprën dhe sakrificën e Jasharit, duke theksuar se kujtimi i dëshmorëve është themel i shtetit dhe i Republikës së Kosovës. Ai shtoi se gjaku i derdhur për liri mbetet rrënjë e shtetit të sotëm, ndërsa idealet e dëshmorëve duhet të shërbejnë si udhërrëfyes për liri, demokraci, zhvillim ekonomik dhe mirëqenie sociale.
“Lavdi Ismet Jasharit – Kumanovës dhe të gjithë dëshmorëve të kombit shqiptar!”, u shpreh Kurti.
