Ish-kryeministri Avdullah Hoti ka reaguar ashpër ndaj situatës së fundit politike në vend, duke e cilësuar atë si “të tmerrshme”.
Ai tha se aleatët ndërkombëtarë po shprehin rezerva për legjitimitetin e Qeverisë së Kosovës, gjë që sipas tij po manifestohet me refuzimin e tyre për të takuar anëtarët e kabinetit qeveritar.
“Kur kemi lidership që udhëhiqet nga interesa elektorale momentale, e jo nga interesat shtetërore, atëherë shkatërrohet besimi i aleatëve në institucionet tona,” theksoi Hoti.
Ai kritikoi edhe heshtjen e Presidencës, duke kujtuar se kjo zyrë ka detyrimin kushtetues për të siguruar funksionimin normal të institucioneve të vendit.
