Kosova të premten do të përballet me mot të kthjellët dhe me diell, ndërsa temperaturat do të jenë të larta për periudhën. Sipas parashikimeve meteorologjike, minimalja pritet të arrijë në 12 gradë Celsius, ndërsa maksimalja do të shkojë deri në 35 gradë, sidomos në zonën e Dukagjinit.
Edhe në Shqipëri, Maqedoninë e Veriut, Luginën e Preshevës dhe Malin e Zi do të mbajë mot me diell dhe i nxehtë veror. Në Shqipëri parashikohet një rënie e lehtë e temperaturave, për shkak të erërave më të freskëta që do të vijnë nga deti.
Ekspertët thonë se vala e të nxehtit do të vazhdojë të ndjehet në mbarë rajonin, megjithëse me dallime të vogla mes zonave bregdetare dhe atyre kontinentale.
