Qendra Kombëtare për Menaxhim Kufitar ka njoftuar për gjendjen e fluksit në pikat e kalimit kufitar në vend. Sipas raportit të mëngjesit, shumica e pikave kufitare paraqesin pritje të lehta për automjete dhe kamionë, me kohëzgjatje që variojnë nga 3 deri në 5 minuta.
Megjithatë, disa pika kufitare shënojnë pritje më të gjata:
-
Jarinjë – për automjetet në hyrje, pritjet arrijnë deri në 20–30 minuta, ndërsa në dalje 10–15 minuta.
-
Dheu i Bardhë – për automjetet në dalje, pritja është rreth 30 minuta, me kolonë që shtrihet deri në 200 metra.
-
Merdarë – për automjetet në dalje, pritjet janë 20–30 minuta me kolonë prej rreth 50 metrash.
Në të gjitha pikat e tjera, si Bërnjak, Glloboqicë, Hani i Elezit, Kullë, Muçibabë, Mutivodë, Qafë e Morinës, Qafë e Prushit, Stançiq dhe Vërmicë, pritjet mbeten minimale, pa kolona të evidentuara.
Autoritetet apeluan tek qytetarët që të planifikojnë udhëtimet duke marrë parasysh fluksin e raportuar, sidomos në pikat kufitare ku janë evidentuar vonesa më të theksuara.
