Komandanti i Forcës së NATO-s në Kosovë (KFOR), Gjeneral Major Enrico Barduani, ka pritur sot Presidenten e Republikës së Kosovës, Vjosa Osmani, në selinë e KFOR-it në Kampin Film City, në Prishtinë.
Takimi u fokusua në gjendjen e sigurisë, stabilitetin rajonal dhe bashkëpunimin mes KFOR-it dhe institucioneve vendore. Gjenerali Barduani theksoi rëndësinë e komunikimit të rregullt me autoritetet e Kosovës dhe uroi për një zgjidhje të shpejtë të ngërçit parlamentar.
KFOR-i vijon zbatimin e mandatit të tij, të bazuar në Rezolutën 1244 të KS të OKB-së, për garantimin e një mjedisi të sigurt dhe lirisë së lëvizjes për të gjithë qytetarët, duke bashkëpunuar ngushtë me Policinë e Kosovës dhe EULEX-in.
