Bashkimi Europian ka reaguar pas raportimeve për praninë e pesticideve në specat e importuara nga Shqipëria, duke e cilësuar situatën si serioze.
Alarmi u ngrit fillimisht nga një kompani tregtare në Slloveni, e cila kërkoi tërheqjen nga tregu të specave shqiptare, ndërsa çështja tashmë është konfirmuar edhe nga Agjencia e BE për Sigurinë Ushqimore (RASFF).
Sipas analizave të kryera, në specat e prodhuara në Shqipëri janë zbuluar tre lloje pesticidesh:
-
Formetanate
-
Acetamiprid
-
Flonicamid
Agjencia e BE-së ka njoftuar autoritetet shqiptare si vend i origjinës, ndërsa në listën e vendeve ku ishin paraparë të eksportoheshin specat figurojnë Austria, Kroacia dhe Sllovenia. Pikërisht Sllovenia ishte vendi që ngriti i pari shqetësimin dhe kërkoi tërheqjen e menjëhershme nga tregu.
Ky rast ka nxitur debat mbi standardet e sigurisë ushqimore dhe kontrollin e produkteve bujqësore që eksportohen nga Shqipëria drejt tregut europian.
