Komuna e Prishtinës ka njoftuar qytetarët për një takim publik ku do të shqyrtohen mundësitë e ndryshimit të qarkullimit në rrugën “Muharrem Fejza”.
Takimi do të mbahet të enjten, më 11 shtator 2025, në orën 10:00, në shkollën “Pavarësia”.
Ky organizim do t’i japë qytetarëve mundësinë të diskutojnë dhe të japin mendimet e tyre jo vetëm për qarkullimin në këtë rrugë, por edhe për çështje të tjera që prekin komunitetin.
Komuna ka theksuar se pjesëmarrja e qytetarëve është thelbësore për të siguruar vendimmarrje që pasqyron interesat dhe nevojat e banorëve lokalë.
