Një burrë është rrëmbyer mbrëmjen e 18 shtatorit në Prishtinë nga tre persona dhe është mbajtur i izoluar në një shtëpi të pabanuar deri në mëngjes. Policia ka njoftuar se ndaj tij është ushtruar dhunë fizike.
Autoritetet raportojnë se dy nga të dyshuarit janë arrestuar, ndërsa i treti, identifikuar nga policia, gjendet ende në arrati.
Gjatë hetimeve, policia kreu bastisje në katër lokacione, ku gjatë kontrollit u gjet dhe u konfiskua një armë gjuetie. Dy të arrestuarve u është caktuar masa e ndalimit me vendim të prokurorit.
“Rasti është duke u hetuar”, thuhet në raportin 24-orësh të Policisë së Kosovës, e cila konfirmon se personi i rrëmbyer është mashkull kosovar dhe të gjithë të dyshuarit janë gjithashtu shtetas të Kosovës.
