Një person i kërkuar nga drejtësia është arrestuar nga hetuesit e Sektorit Rajonal të Hetimeve në Ferizaj.
Sipas njoftimit të Policisë, më 22 shtator 2025, gjatë intervistimit për një rast tjetër dhe pas verifikimit të të dhënave personale, u konstatua se i dyshuari ishte në kërkim me urdhër të Gjykatës Themelore në Ferizaj për veprën penale “Vjedhje e rëndë”, me një dënim burgimi prej 60 ditësh.
Pas përfundimit të procedurave policore dhe kompletimit të dokumentacionit, i mituri M.M., 17 vjeç, u dërgua për të vuajtur dënimin e caktuar.
Policia Rajonale e Ferizajt njoftoi se do të vazhdojë me zbatimin e urdhërave të gjykatës ndaj personave që nuk iu përgjigjen thirrjeve gjyqësore.
