Presidenti i Shqipërisë, Bajram Begaj, së bashku me zonjën e parë Armanda Begaj, zhvilloi një takim me Presidentin amerikan, Donald Trump, dhe zonjën e parë, Melania Trump, në Shtetet e Bashkuara.
Takimi u zhvillua në një atmosferë miqësore dhe të ngrohtë, duke reflektuar lidhjet e hershme dhe të forta mes dy vendeve. Presidenti Begaj ndau në rrjetet sociale foto nga ky takim, duke theksuar rëndësinë e marrëdhënieve strategjike mes Shqipërisë dhe SHBA-së.
“Miqësia shqiptaro-amerikane, një lidhje e fortë dhe e pathyeshme, një aleancë historike dhe strategjike,” shkroi Begaj në postimin e tij.
Një ditë më parë, kreu i shtetit shqiptar mori pjesë edhe në një takim ku ishte i pranishëm Richard Grenell, emisari i ish-presidentit Donald Trump për Misione të Veçanta dhe ish-emisari për dialogun Kosovë-Serbi.
Takimet e fundit nënvizojnë forcimin e marrëdhënieve strategjike dhe bashkëpunimit ndërmjet Shqipërisë dhe SHBA-së, duke theksuar rolin e vendit tonë në rajon.
