E diela në Kosovë do të karakterizohet nga moti kryesisht i vranët me reshje lokale shiu. Fillimisht ato do të jenë të dobëta, por pritet të intensifikohen gjatë pasdites dhe mbrëmjes, duke sjellë rrebeshe shiu të shoqëruara herë pas here me vetëtima dhe bubullima. Temperaturat maksimale do të arrijnë deri në 18 gradë Celsius.
Edhe në Shqipëri, Maqedoninë e Veriut, Luginën e Preshevës dhe Mal të Zi parashikohet mot me vranësira dhe rrebeshe lokale shiu. Në Maqedoninë e Veriut reshjet do të fuqizohen gjatë mbrëmjes, ndërsa në Shqipëri dita do të ketë intervale me diell, pasuar më vonë nga zhvillime të rrebesheve lokale.
