Me rritjen e numrit të njerëzve me diabet në botë, gjithnjë e më shumë pacientë po kërkojnë mënyra natyrale për të mbajtur nën kontroll glukozën në gjak. Ekspertët paralajmërojnë se bimët medicinale mund të jenë ndihmëse, por nuk zëvendësojnë trajtimin mjekësor dhe duhet të përdoren me kujdes.
Çfarë duhet të dini për diabetin
-
Tipi 2: Prek rreth 90% të pacientëve dhe lidhet me rezistencën ndaj insulinës.
-
Tipi 1: Një sëmundje autoimune që shkatërron qelizat pankreatike që prodhojnë insulinë.
-
Tipi 3 (Gestacional): Shfaqet gjatë shtatzënisë për shkak të ndryshimeve hormonale.
-
Tipi 4 / Prediabeti: Forma të tjera me rritje të glukozës, shpesh të lidhura me faktorë trashëgues.
Për çdo rast, mjeku duhet të përcaktojë trajtimin – ilaçe orale, insulinë, dietë dhe aktivitet fizik.
Bimët medicinale më të përdorura për diabetin
-
Aloe vera – mund të ndihmojë në kontrollin e sheqerit, por nuk duhet të zëvendësojë insulinën.
-
Kanellë – shtoni pak në çaj ose ushqime për efekt të lehtë hipoglicemik.
-
Xhenxhefil – i njohur për efekt anti-inflamator dhe për uljen e glukozës.
-
Uthull molle – mund të përdoret në sallata, por mos e pini të pastër, pasi mund të dëmtojë fytin dhe ezofagun.
-
Farë kopre – përgatitet si çaj infuzioni:
-
Hidhni 1 lugë çaji fara kopre në 150 ml ujë të valë.
-
Lëreni të pushojë 20 minuta dhe kulloni.
-
Pini 2-3 herë në ditë për dy javë, pastaj bëni pushim.
-
Gjithashtu mund të provoni luleradhiqe, hithër, kopër, çaj jeshil dhe lakër uji, të cilat ndihmojnë për efekt të moderuar në sheqerin e gjakut.
Kujdesi është i domosdoshëm
-
Bimët nuk janë ilaçe mrekullie – efekti është modest dhe i kufizuar.
-
Pacientët që marrin insulinë ose ilaçe orale duhet të konsultohen me diabetologun për të shmangur hipogliceminë (sheqer shumë të ulët).
-
Luhatjet e mëdha të glukozës janë po aq të rrezikshme sa nivelet e larta.
Ekspertët rekomandojnë: Bimët medicinale mund të jenë një shtesë e dobishme, por gjithmonë nën mbikëqyrjen e një specialisti.
