Përmes rrjetit social Facebook, Ministri i Financave, Hekuran Murati, ka bërë të ditur se aplikimi për mbështetjen e studentëve është i hapur në platformën eKosova, në shërbimin “Familja”.
Shtesë e njëhershme 100 euro
Të drejtë aplikimi kanë studentët aktivë të të gjitha niveleve (Bachelor, Master, Doktoratë) që studiojnë në ndonjë nga universitetet e akredituara në Kosovë, si publike ashtu edhe private.
Murati thekson se aplikimet duhet të plotësohen me kujdes dhe pa gabime, pasi çdo gabim mund të çojë në refuzim.
Afati për aplikim është deri në fund të muajit tetor, ndërsa pagesat do të kryhen në grupe sipas radhës së aplikimit.
Bursa e Mobilitetit të Studentëve
Të drejtë aplikimi kanë studentët e nivelit Bachelor, shtetas të Kosovës, që studiojnë në universitetet e akredituara në vend.
Një nga kushtet për përfitim është që familja e studentit të ketë të ardhura vjetore bruto jo më shumë se 12,000 euro.
Edhe për këtë bursë, aplikimet duhet të plotësohen saktë dhe pa gabime për të shmangur refuzimin.
Për më shumë detaje dhe për të aplikuar, studentët mund të vizitojnë platformën eKosova.
