Kosova të hënën pritet të përballet me mot të ndryshueshëm, me intervale kohore me diell dhe vranësira të shpeshta. Sipas parashikimeve meteorologjike, do të fryjnë erëra të freskëta nga veriu, ndërsa temperaturat maksimale ditore do të arrijnë deri në 18 gradë Celsius.
Në Shqipëri, Maqedoninë e Veriut, Luginën e Preshevës dhe Malin e Zi, e hëna do të karakterizohet nga mot kryesisht me diell dhe vranësira të pjesshme, pa reshje atmosferike.
Zonat mesdhetare do të përjetojnë temperatura më të ngrohta, ndërsa në viset kontinentale dhe ato kodrinore-malore në veri dhe lindje të rajonit, moti do të mbetet më i ftohtë.
