Kosova të premten pritet të përballet me mot të paqëndrueshëm. Sipas parashikimeve meteorologjike, dita do të karakterizohet nga vranësira të dendura dhe reshje të herëpashershme shiu, ndërsa temperaturat do të shënojnë rënie të ndjeshme.
Temperatura minimale pritet të zbresë deri në 7°C, ndërsa ajo maksimale do të arrijë deri në 14°C.
Situatë e ngjashme meteorologjike parashikohet edhe në Shqipëri, Maqedoninë e Veriut, Luginën e Preshevës dhe Mal të Zi, ku reshjet do të përfshijnë pothuajse të gjitha viset.
Në perëndim, jug dhe pjesët qendrore të Shqipërisë priten reshje më të dendura, me mundësi për rrebeshe intensive, vetëtima dhe bubullima lokale.
Meteorologët paralajmërojnë se fundjava do të vijojë me kushte të ngjashme, duke sjellë një fundjavë të freskët dhe me shi për rajonin.
