Policia e Kosovës ka arrestuar sot në aeroportin ndërkombëtar “Adem Jashari” një person të kërkuar për një sërë veprash penale.
I arrestuari, A.P. (33 vjeç), ishte dënuar me gjithsej 3 vjet e 6 muaj burgim për veprat penale “Mashtrim”, “Vjedhje”, “Prezantim i rremë si person zyrtar” dhe “Vjedhje e rëndë”.
Sipas njoftimit të policisë, ndaj tij ekzistonin edhe katër kërkesa të tjera aktive për vepra të ndryshme penale.
Pas përfundimit të procedurave të nevojshme ligjore, A.P. është dërguar për vuajtje të dënimit në institucionin përkatës korrektues.
