E mërkura në Kosovë pritet të karakterizohet nga mot kryesisht me diell dhe i ngrohtë gjatë ditës, ndërsa në mëngjes temperaturat do të jenë të ulëta dhe në disa lugina mund të formohet mjegull e lehtë, e cila do të shpërndahet shpejt paradite.
Sipas parashikimeve meteorologjike, temperaturat minimale pritet të zbresin deri në 1°C, ndërsa ato maksimale do të arrijnë rreth 18°C, duke sjellë një ditë tipike të vjeshtës së vonë me kontraste mes mëngjesit të ftohtë dhe mesditës së butë.
Në Shqipëri, Maqedoninë e Veriut, Luginën e Preshevës dhe Mal të Zi, e mërkura do të jetë nën ndikimin e një fushe të qëndrueshme anticiklonike, që do të sigurojë mot të pastër dhe pa reshje. Mëngjesi në disa zona do të jetë lokalisht i ftohtë, madje në disa vise priten edhe ngrirje të lehta, mjegull apo brymë, ndërsa gjatë ditës temperaturat do të rriten ndjeshëm dhe moti do të mbetet i qetë në të gjitha rajonet.
Ekspertët e motit theksojnë se ky stabilitet atmosferik pritet të vazhdojë edhe në ditët në vijim, duke krijuar kushte për një periudhë të gjatë me moti të qetë, pa reshje dhe me temperatura mbi mesataren e stinës.
