Presidenti amerikan Donald Trump ka deklaruar se nuk do të kërkojë një mandat të tretë në zgjedhjet presidenciale të vitit 2028.
Gjatë një interviste për CBS News – 60 Minutes, Trump tha se “as nuk e mendon” një kandidim të tillë, megjithëse “shumë njerëz” ia kërkojnë.
I pyetur për figura të mundshme që mund ta pasojnë, si zëvendëspresidenti JD Vance apo sekretari i shtetit Marco Rubio, ai u shpreh se i vlerëson të dy dhe shtoi se “ka shumë njerëz të shkëlqyer” në administratë.
“Kemi një ekip të jashtëzakonshëm. Nuk dua të flas për zgjedhje tani – është shumë herët,” tha ai.
Sipas Kushtetutës së SHBA-së, Amendamenti i 22-të kufizon presidentin në vetëm dy mandate.
