E hëna në Kosovë pritet të sjellë mot kryesisht të vranët me reshje të herëpashershme lokale shiu. Sipas parashikimeve meteorologjike, gjatë pasdites dhe mbrëmjes pritet që reshjet të intensifikohen, duke sjellë rrebeshe më të dendura, vetëtima dhe bubullima.
Temperaturat maksimale do të sillen ndërmjet 15 dhe 16 gradë Celsius, duke mbajtur mot të butë për këtë periudhë të vitit.
Në Shqipëri, Maqedoninë e Veriut, Luginën e Preshevës dhe Mal të Zi, dita e hënë do të karakterizohet nga vranësira të dendura dhe reshje të shpeshta shiu, ndërsa në disa zona të Shqipërisë dhe Maqedonisë së Veriut priten rrebeshe më intensive të shoqëruara me vetëtima dhe bubullimë.
