Presidenti amerikan Donald Trump ka paralajmëruar një padi gjigante kundër BBC-së, duke akuzuar median britanike se “mashtroi publikun” përmes redaktimit të një pjese të fjalimit të tij të 6 janarit 2021 në një dokumentar të fundit.
Në një intervistë për Fox News, Trump deklaroi se fjalimi i tij ishte “masakruar” dhe se mënyra si u paraqit “e shtrembëroi plotësisht realitetin”. Ai tha se ndien një “detyrim” për të vepruar ligjërisht ndaj BBC-së, duke përmendur një padi të mundshme prej 1 miliard dollarësh, nëse kompania nuk tërheq materialin, nuk kërkon falje dhe nuk e dëmshpërblen.
Kryetari i BBC-së, Samir Shah, kishte kërkuar më herët falje publike, duke pranuar një “gabim në gjykim” për mënyrën e montimit të videos.
“Ishte një fjalim qetësues, jo nxitës. Ata e bënë të dukej si diçka radikale — kjo është e pabesueshme,” shtoi Trump.
Ky zhvillim pritet të hapë një betejë të re ligjore mes ish-presidentit amerikan dhe një prej mediave më të njohura botërore.
