E marta do të sjellë një ndryshim të dukshëm të motit në gjithë territorin e Kosovës. Pas ditëve me diell dhe temperatura të larta për stinën, nesër pritet të mbajë mot plotësisht i vranët shoqëruar me reshje shiu të intensitetit të ndryshueshëm gjatë gjithë ditës.
Sipas parashikimeve meteorologjike, reshjet më intensive pritet të bien gjatë orëve të pasdites dhe në mbrëmje, veçanërisht në rajonin e Dukagjinit, ku mund të shoqërohen me periudha të shkurtra me shi të dendur.
Temperaturat do të pësojnë ulje të ndjeshme, me vlerat maksimale që do të arrijnë deri në 14 gradë Celsius. Në orët e mbrëmjes, temperaturat do të bien ndjeshëm, sidomos në veriun e vendit, duke shënuar fundin e periudhës së ngrohtë që sollën masat ajrore nga Afrika Veriore.
Meteorologët paralajmërojnë se kjo situatë sinjalizon hyrjen e një fronti më të ftohtë, i cili pritet të ndikojë në motin e ditëve të ardhshme me temperatura më të ulëta dhe mundësi për reshje lokale.
