Kryetari i Partisë Demokratike të Kosovës, Bedri Hamza, ka publikuar sot një video-mesazh drejtuar qytetarëve, ku kërkon besimin e tyre në zgjedhjet e jashtëzakonshme të 28 dhjetorit.
Hamza tha se PDK synon të formojë një qeveri që “i mban premtimet” dhe që “e vendos qytetarin në radhë të parë”, duke theksuar se vendi ka nevojë urgjente për stabilitet politik dhe kthim të normalitetit institucional.
“Më 28 dhjetor, vota juaj do ta përcaktojë drejtimin e Kosovës. Një Kosovë më e mirë është e mundur dhe e arritshme,” u shpreh Hamza në videon e publikuar në rrjetet sociale.
Kreu i PDK-së u bëri thirrje qytetarëve t’i japin besimin për t’i rikthyer vendit stabilitetin ekonomik dhe politik.
“Ma jepni besimin, që ta kthejmë normalitetin dhe stabilitetin në vendin tonë,” tha Hamza.
Zgjedhjet e 28 dhjetorit pritet të jenë vendimtare për drejtimin e ardhshëm të vendit, me partitë kryesore tashmë të angazhuara në fushatë intensive.
