E enjta pritet të jetë një ditë e trazuar meteorologjike në të gjithë territorin e Kosovës, me reshje të vazhdueshme dhe ulje të fortë të temperaturave.
Gjatë mëngjesit do të ketë reshje shiu me intensitet të ndryshueshëm, ndërsa në zonat malore do të nisin reshjet e borës. Në veri të vendit, bora mund të zbresë edhe në disa ultësira.
Pas një ndërprerjeje të shkurtër të reshjeve gjatë paradites, pasdite rikthehen reshjet, të cilat në shumë rajone do të kalojnë nga shi në reshje shqote e borë. Lokalisht pritet edhe shi i ngrirë, që mund të krijojë vështirësi në qarkullim.
Temperaturat do të pësojnë rënie të ndjeshme fillimisht në veri, ndërsa më vonë edhe në pjesët tjera të vendit. Maksimalja e ditës pritet të mos kalojë 6°C.
Kushtet e paqëndrueshme atmosferike pritet të vazhdojnë edhe gjatë natës, me mundësi të reshjeve të borës në disa zona.
