Kryeministri Albin Kurti ka reaguar pas publikimit të Indeksit Global mbi Krimin e Organizuar 2025, ku Kosova shënon një ngritje të madhe prej 34 vendeve krahasuar me vitin 2021. Sipas indeksit, vendi ynë vlerësohet si shteti me nivelin më të ulët të kriminalitetit në rajon, një rezultat që Kurti e quan “histori suksesi”.
Ai theksoi se ky vlerësim është tregues i përkushtimit institucional në luftimin e krimit të organizuar, forcimin e sundimit të ligjit dhe ndërtimin e besimit të qytetarëve në institucionet e rendit.
Indeksi është mbështetur dhe financuar nga Bashkimi Evropian, Interpol dhe Departamenti Amerikan i Shtetit, duke i dhënë peshë edhe më të madhe vlerësimit ndërkombëtar që i është bërë Kosovës.
Sipas Kurtit, rezultati dëshmon se reformat e ndërmarra po japin efekte të prekshme dhe se Kosova po ecën drejt standardeve të vendeve me siguri të avancuar.
