E mërkura në Kosovë pritet të karakterizohet nga mot i vranët dhe reshje lokale, të herëpashershme shiu. Gjatë pjesës më të madhe të ditës reshjet do të jenë të pakta dhe sporadike, ndërsa në orët e vona të mbrëmjes dhe gjatë natës së ardhshme parashihet intensifikim i tyre.
Sipas parashikimeve, reshjet e shiut pritet të përzihen gradualisht me borë, veçanërisht në viset më të larta dhe gjatë orëve të natës.
Temperaturat do të luhaten nga 0 gradë Celsius minimalet, deri në 8 gradë Celsius maksimalet gjatë ditës.
Autoritetet meteorologjike rekomandojnë kujdes në qarkullim, sidomos gjatë natës, për shkak të mundësisë së rrëshqitjeve dhe kushteve të përkeqësuara atmosferike.
