Procesi i numërimit të votave do të ndërpritet sot në ora 12:00 dhe do të rifillojë më 1 janar në ora 16:00, sipas vendimit të Komisioni Qendror i Zgjedhjeve.
Ky orar është përcaktuar disa ditë më parë, në kuadër të organizimit të punës gjatë ndërrimit të viteve, duke paraparë një pauzë të shkurtër për festat e fundvitit. Sipas vendimit, më 31 dhjetor numërimi do të vazhdojë deri në mesditë dhe më pas do të pezullohet për pjesën tjetër të ditës, ndërsa procesi do të rinisë pasditen e 1 janarit.
Nga KQZ-ja kanë bërë të ditur se, pavarësisht ndërprerjes së përkohshme, numërimi do të vijojë sipas planit të parashikuar, duke garantuar transparencë, rregullsi dhe integritet në administrimin e votave.