Ka kaluar një javë nga mbajtja e zgjedhjeve të parakohshme parlamentare në Kosovë, ndërsa procesi i numërimit të votave ende po vazhdon në Qendrën e Numërimit dhe Rezultateve.
Sipas rezultateve të deritanishme, zgjedhjet janë fituar bindshëm nga Lëvizja Vetëvendosje, e cila ka marrë 50.16 për qind të votave.
Në vendin e dytë është renditur Partia Demokratike e Kosovës me 20.66 për qind, ndërsa e treta Lidhja Demokratike e Kosovës me 13.42 për qind të votave.
Aleanca për Ardhmërinë e Kosovës ka siguruar 5.6 për qind, ndërsa Nisma Socialdemokrate e udhëhequr nga Fatmir Limaj nuk ka arritur ta kalojë pragun zgjedhor.
Procesi i numërimit
Deri më tani janë numëruar:
-
votat e rregullta brenda vendit,
-
votat nga përfaqësitë diplomatike.
Aktualisht është duke u zhvilluar numërimi i votave me postë, ndërsa më pas pritet të procedohen:
-
votat me kusht,
-
votat e personave me aftësi të kufizuara.
Kandidatët më të votuar sipas partive
Sipas të dhënave të përditësuara nga Komisioni Qendror i Zgjedhjeve, kandidatët më të votuar deri tani janë:
Lëvizja Vetëvendosje (VV):
Albin Kurti, Glauk Konjufca, Albulena Haxhiu, Hekuran Murati, Donika Gërvalla.
Partia Demokratike e Kosovës (PDK):
Bedri Hamza, Arian Tahiri, Përparim Gruda, Uran Ismaili, Sala Jashari.
Lidhja Demokratike e Kosovës (LDK):
Lumir Abdixhiku, Hykmete Bajrami, Ukë Rugova, Avdullah Hoti, Doarsa Kica-Xhelili.
Aleanca për Ardhmërinë e Kosovës (AAK):
Ramush Haradinaj, Daut Haradinaj, Besnik Tahiri, Bekë Berisha, Agim Çeku.
Procesi i numërimit pritet të vazhdojë edhe në ditët në vijim, ndërsa rezultatet përfundimtare do të shpallen pas përfundimit të të gjitha kategorive të votimit.
