Sipas të dhënave të fundit të publikuara nga Qendra Kombëtare për Menaxhim Kufitar, të përditësuara më 4 janar 2026, ora 10:10, fluksi në shumicën e pikave të kalimit kufitar është i qetë, me pritje minimale si për automjete ashtu edhe për kamionë.
Megjithatë, pritje më të gjata po regjistrohen në disa pika kryesore:
-
Merdarë: Daljet po shënojnë pritje prej 80 deri në 100 minuta, me kolona që arrijnë deri në 1,000 metra.
-
Jarinje: Në dalje, pritjet janë rreth 40 minuta, me kolona deri në 200 metra.
-
Dheu i Bardhë: Pritje në dalje deri në 30 minuta, me kolona rreth 250 metra.
Në pikat e tjera kufitare si Bërnjak, Hani i Elezit, Glloboqicë, Kullë, Vërmicë, Qafë e Morinës dhe Qafë e Prushit, qarkullimi po zhvillohet pa vonesa të theksuara, me pritje mesatare prej 3 deri në 5 minutash dhe pa kolona.
Autoritetet u bëjnë thirrje qytetarëve që para udhëtimit të informohen rregullisht mbi gjendjen në kufi dhe, nëse është e mundur, të shmangin pikat me fluks të lartë gjatë orëve të pikut.
