Qendra Kombëtare për Menaxhim Kufitar ka publikuar përditësimin e fundit mbi gjendjen në pikat e kalimit kufitar, sipas të cilit mbrëmjen e sotme është vërejtur rritje e ndjeshme e pritjeve dhe kolonave në disa pika kryesore.
Sipas të dhënave të përditësuara më 05 janar 2026, ora 20:14, situata më e rënduar paraqitet në:
-
Bërnjak: pritje në hyrje 50–60 minuta, me kolona deri në 1,500 metra
-
Jarinje: pritje në hyrje 30–40 minuta, në dalje 50–60 minuta, kolona deri në 500 metra
-
Dheu i Bardhë: pritje 30–40 minuta, kolona në të dy drejtimet
-
Merdarë: pritje në dalje 40–60 minuta, kolona rreth 600 metra
-
Muçibabë dhe Mutivodë: pritje deri në 60 minuta, me kolona deri në 500 metra
Në pikat e tjera kufitare, si Qafë e Morinës, Qafë e Prushit, Hani i Elezit, Glloboqica dhe Vërmica, qarkullimi po zhvillohet pa vonesa të theksuara, me pritje minimale.
Autoritetet u bëjnë thirrje qytetarëve që të planifikojnë udhëtimin me kujdes, të shfrytëzojnë pikat alternative ku ka më pak ngarkesë dhe të informohen rregullisht për përditësimet e reja mbi gjendjen në kufi.
