Të shtunën në Kosovë pritet mot kryesisht i vranët, me mundësi për intervale të shkurtra me diell. Në disa zona lokale mund të shfaqen reshje shumë të dobëta bore. Do të fillojnë të fryjnë erëra të ftohta nga lindja dhe juglindja.
Temperaturat në Rrafshin e Kosovës do të lëvizin nga -2°C në mëngjes deri në 5°C maksimalja, ndërsa në Dukagjin maksimalet mund të arrijnë deri në 8°C.
Në Shqipëri pritet mot kryesisht me diell. Në zonat lindore dhe juglindore do të ketë më shumë vranësira, me mundësi për reshje të dobëta bore. Në Maqedoninë e Veriut parashikohet mot më i vranët, me reshje të dobëta lokale.
