E diela në Kosovë do të karakterizohet nga mot relativisht i ftohtë, me vranësira të shpeshta dhe mundësi për intervale kohore me diell gjatë ditës. Do të fryjnë erëra të ftohta nga verilindja, të cilat do të ndikojnë në uljen e ndjesisë termike.
Temperaturat minimale pritet të zbresin deri në -6 gradë Celsius, ndërsa maksimalet gjatë ditës do të arrijnë deri në 6 gradë Celsius.
Në Shqipëri, Maqedoninë e Veriut, Luginën e Preshevës dhe Malin e Zi, dita e diel do të sjellë mot me diell dhe vranësira kalimtare. Reshje të dobëta bore priten në disa zona të juglindjes së Shqipërisë dhe rrallë edhe në disa rajone të Maqedonisë së Veriut.
Temperaturat në gjithë rajonin do të shënojnë ulje për shkak të afrimit të një mase të ftohtë ajrore nga lindja e kontinentit.
