Policia e Kosovës ka arrestuar një person të kërkuar me urdhër arresti ndërkombëtar, si rezultat i bashkëpunimit policor ndërkombëtar.
Sipas njoftimit zyrtar, arrestimi është realizuar nga Drejtoria për Bashkëpunim Ndërkombëtar Policor (DBNP), përmes njësitit të specializuar FAST, në koordinim me njësi të tjera relevante policore.
Me datë 19 janar 2026, rreth orës 20:30, ekipet e DBNP-së kanë lokalizuar dhe arrestuar të dyshuarin, i cili kërkohej nga Gjermania për shkak të dyshimit për kryerjen e veprës penale “vrasje në tentativë”.
Pas arrestimit dhe me urdhër të Prokurorit Kujdestar, i dyshuari është dërguar në ndalim policor prej 48 orësh, për vazhdimin e procedurave të mëtejme ligjore, në përputhje me legjislacionin në fuqi.
Policia e Kosovës ka theksuar se mbetet e përkushtuar në forcimin e bashkëpunimit ndërkombëtar policor dhe në zbatimin e ligjit, me qëllim të garantimit të rendit dhe sigurisë publike.
Mesazhi është i qartë: kufijtë nuk janë më strehë për ata që i ikin drejtësisë. Loja mbaron, edhe kur fshihesh mirë.
