Një zhvillim pozitiv për qytetarët e Republika e Kosovës: sot, në Washington, D.C., është nënshkruar marrëveshja për heqjen e ndërsjellë të vizave ndërmjet Kosovës dhe Bahamas.
Marrëveshja vjen pas njohjes zyrtare të Kosovës nga Bahamas dhe vendosjes së marrëdhënieve diplomatike mes dy shteteve në muajin dhjetor. Pas këtij hapi, Vjosa Osmani dhe Kryeministri i Bahamasit, Philip Davis, u dakorduan që liberalizimi i vizave të jetë hapi i radhës në forcimin e bashkëpunimit bilateral.
Ky vendim dëshmon përkushtimin e përbashkët të dy shteteve për thellimin e partneritetit dhe për forcimin e lidhjeve ndërmjet qytetarëve, duke lehtësuar lëvizjen e lirë dhe duke krijuar mundësi të reja bashkëpunimi në fusha të ndryshme.
Marrëveshja pritet të hyjë në fuqi pas përmbushjes së procedurave përkatëse ligjore nga të dyja palët.
