Kanë kaluar 20 vjet nga ndarja nga jeta e Ibrahim Rugova, presidentit historik të Kosovës dhe figurës qendrore të rezistencës paqësore shqiptare.
Me rastin e 20-vjetorit të vdekjes, nën organizimin e presidentes së Republikës së Kosovës, Vjosa Osmani, do të mbahen një sërë aktivitetesh përkujtimore për të nderuar jetën dhe veprën e Rugovës.
Agjenda e aktiviteteve përkujtimore
-
Ora 10:00 – Homazhe te varri i Presidentit Rugova, në Velani
-
Ora 12:00 – Akademi Përkujtimore në Amfiteatrin e Bibliotekës Qendrore Universitare në Prishtinë
Ibrahim Rugova u nda nga jeta më 21 janar 2006, në moshën 61-vjeçare. Ai u zgjodh president i Kosovës së lirë, por nuk arriti ta përjetojë shpalljen e pavarësisë së vendit, për të cilën punoi dhe besoi deri në fund.
Rugova mbetet simbol i urtësisë politike, dialogut dhe rezistencës paqësore — një figurë që e udhëhoqi Kosovën me fjalë të buta, por me qëllime të forta. Dy dekada më pas, trashëgimia e tij vazhdon të jetë busull morale dhe historike për shtetin e Kosovës.
