Komisioni Qendror i Zgjedhjeve (Komisioni Qendror i Zgjedhjeve) po planifikon që procesin e rinumërimit të vendvotimeve ta përmbyllë sot, të premten më 30 janar.
Lajmin e ka konfirmuar për IndeksOnline zëdhënësi i KQZ-së, Valmir Elezi, i cili bëri të ditur se mbi 90% e vendvotimeve janë rinumëruar, ndërsa pjesa e mbetur pritet të përfundojë brenda ditës.
“Në Qendrën e Numërimit dhe Rezultateve është duke vazhduar rinumërimi i vendvotimeve. Deri më tani, mbi 90% e vendvotimeve janë rinumëruar dhe për pjesën e mbetur, KQZ po planifikon që procesi të përfundojë sot”, tha Elezi.
Sa i përket shpalljes së rezultateve përfundimtare, Elezi theksoi se kjo varet nga ora e përfundimit të rinumërimit, duke shtuar se KQZ do të dalë me njoftim zyrtar sapo procesi të mbyllet.
