Kryetari i Nisma Socialdemokrate, Fatmir Limaj, ka kërkuar dorëheqjen e presidentes Vjosa Osmani, duke e akuzuar për shkelje të Kushtetutës pas aktgjykimit të Gjykata Kushtetuese.
Duke komentuar vendimin që konstatoi se zgjedhja e Nenad Rashiq si nënkryetar i Kuvendi i Kosovës ishte në kundërshtim me Kushtetutën dhe Rregulloren e Punës, Limaj tha se presidentja ka vepruar jashtë kompetencave kushtetuese.
“Presidentja e ka shkelë Kushtetutën që e ka pranu konstituimin e kuvendit jokushtetues dhe ka dhënë mandat një njeriu të pazgjedhur”, deklaroi Limaj në emisionin Pressing.
Sipas tij, këto veprime kanë krijuar pasiguri juridike në vend dhe për këtë arsye presidentja duhet të marrë përgjegjësi politike. “Përgjegjësia nënkupton dorëheqje”, theksoi Limaj, duke shtuar se respektimi i rendit kushtetues është bazë e funksionimit të shtetit.
