E mërkura në Kosovë do të karakterizohet nga mot i ndryshueshëm, me vranësira dhe intervale kohore me diell, ndërsa erërat nga jugu do të fryjnë mesatare deri lokalisht të fuqishme.
Gjatë orëve të ditës nuk përjashtohet mundësia për ndonjë rigë të izoluar shiu, por vonë pasdite dhe gjatë mbrëmjes priten reshje lokale shiu, me mundësi për rrebeshe në disa zona të vendit, megjithatë jo në të gjithë territorin.
Sa i përket temperaturave, ato do të shënojnë vlera të ulëta në mëngjes, ku minimalja pritet të zbresë deri në 0 gradë Celsius, ndërsa maksimalet ditore do të arrijnë deri në 13 gradë Celsius.
