Arbërie Nagavci ka bërë të ditur se, në cilësinë e Kryesueses së Këshillit të Përgjithshëm të Lëvizja Vetëvendosje, i ka dorëzuar Vjosa Osmani propozimin për caktimin e Albin Kurti si mandatar për formimin e Qeverisë së re.
Sipas Nagavcit, ky hap bazohet në vullnetin e qytetarëve të shprehur në zgjedhjet e 28 dhjetorit 2025 dhe në përputhje me Kushtetutën e Republikës së Kosovës.
“Vazhdojmë me përgjegjësi institucionale drejt formimit të qeverisë së re. Faleminderit qytetarëve për besimin”, ka deklaruar ajo.
Me këtë propozim hapet zyrtarisht rruga për procedurat kushtetuese që çojnë drejt formimit të ashtuquajturës “Qeveria Kurti 3”.
