Qeveria e Sllovenia ka vendosur të rrisë disa nga përfitimet sociale, një vendim që prek edhe shumë bashkatdhetarë shqiptarë që jetojnë dhe punojnë në këtë shtet. Rritja përfshin ndihmën për fëmijë, bursat shtetërore dhe të ardhurat minimale, dhe do të hyjë në fuqi nga 1 marsi.
Sipas Ministria e Punës, Familjes, Çështjeve Sociale dhe Mundësive të Barabarta, transfertat sociale do të rriten me 2.7 për qind, në përputhje me inflacionin e çmimeve të konsumit gjatë vitit 2025.
Ndihmë më e lartë për fëmijë dhe studentë
Nga marsi, ndihma maksimale për fëmijë do të arrijë në 177.24 euro në muaj, ndërsa shuma bazë e bursës shtetërore do të rritet në 282.29 euro. Bursa Zois do të jetë 180.88 euro, ndërsa bursa për profesionet ku ka mungesë të punëtorëve do të arrijë në 129.21 euro.
Subvencioni për ushqimin e studentëve gjithashtu do të rritet në 5.19 euro. Autoritetet sllovene bëjnë të ditur se pagesat e reja do të aplikohen automatikisht nga prilli, pa pasur nevojë për aplikime të reja nga përfituesit.
Më shumë mbështetje për familjet
Përfitimi për kujdesin ndaj fëmijëve do të jetë 129.21 euro, ndërsa për fëmijët me aftësi të kufizuara të rënda 258.40 euro.
Ndihma për familjet e mëdha rritet në:
-
510.35 euro për familjet me tre fëmijë
-
620.16 euro për familjet me katër ose më shumë fëmijë
Ndërkohë, ndihma për lindjen e një fëmije do të jetë 441.60 euro.
Rriten edhe të ardhurat minimale
Nga 1 marsi, shuma bazë e të ardhurave minimale do të jetë 507.43 euro në muaj. Ndërsa nga 1 prilli, do të rriten edhe ndihmat sociale dhe përfitimet për kujdes.
Ndihma maksimale për mbrojtje për një person që jeton vetëm do të arrijë në 238.49 euro, ndërsa pragu për përfitimin e saj është 745.92 euro.
Autoritetet sllovene theksojnë se për të gjithë përfituesit ekzistues, rritja e pagesave do të bëhet automatikisht, pa pasur nevojë për procedura të reja aplikimi.
