Të shtunën në Kosovë pritet të mbajë mot stabil dhe kryesisht me diell. Mëngjesi do të jetë mjaft i ftohtë dhe me acar, ndërsa në disa zona mund të paraqitet mjegull ose vranësira të ulëta.
Gjatë ditës pritet rritje e shpejtë e temperaturave, duke bërë që moti të jetë më i ngrohtë dhe i këndshëm.
Temperaturat minimale do të zbresin deri në -4 gradë Celsius, ndërsa maksimalet gjatë ditës pritet të arrijnë deri në 15 gradë Celsius.
Edhe në Shqipëri, Maqedoninë e Veriut, Luginën e Preshevës dhe Malin e Zi pritet mot kryesisht me diell dhe relativisht i ngrohtë gjatë ditës, me kushte pothuajse pranverore. Megjithatë, në mëngjes vende-vende mund të ketë ngrica dhe mjegull.
