Këshilli Prokurorial i Kosovës pritet të zgjedhë kryesuesin e ri të institucionit në një mbledhje të jashtëzakonshme që është thirrur për këtë qëllim.
Për postin më të lartë në sistemin prokurorial kanë paraqitur kandidaturat prokurori i Prokurorisë së Apelit, Arian Gashi, dhe prokurori i Prokurorisë Speciale, Milot Krasniqi.
Zgjedhja e kryesuesit pritet të bëhet përmes votimit të fshehtë nga anëtarët e KPK-së.
Qëndrimet në debatet brenda KPK-së
Në debatet e fundit brenda KPK-së, Milot Krasniqi ka mbështetur shkarkimin e Besim Kelmendi nga pozita e kryeprokurorit të shtetit.
Ai gjithashtu ishte kundër certifikimit të Elza Bajrami-Kastrati si anëtare e KPK-së, deri në momentin kur Gjykata Supreme e Kosovës vendosi ta certifikojë atë.
Zgjedhja e kryesuesit të ri të KPK-së pritet të ndikojë në drejtimin e sistemit prokurorial dhe vendimmarrjen institucionale në Kosovë.
