Komisioni Europian ka paralajmëruar për një krizë të zgjatur energjitike, duke u bërë thirrje shteteve anëtare të veprojnë shpejt dhe në mënyrë të koordinuar për të garantuar furnizimin me naftë dhe produkte energjetike.
Situata lidhet drejtpërdrejt me tensionet në Lindjen e Mesme dhe bllokimin e Ngushticës së Hormuzit, një arterie jetike për tregtinë globale të energjisë. Sipas Komisionit, tregjet janë të paqëndrueshme dhe kërkohet monitorim i vazhdueshëm dhe bashkëpunim i ngushtë mes vendeve të BE-së.
Komisioneri për Energjinë, Dan Jørgensen, theksoi se edhe pse furnizimi aktual është i sigurt falë rezervave strategjike, Evropa duhet të përgatitet për skenarë më të rëndë.
Brukseli rekomandon masa konkrete: ulje të konsumit të karburanteve, sidomos në transport, shmangie të politikave që rrisin kërkesën dhe shtyrje të mirëmbajtjeve jo urgjente në rafineri për të garantuar furnizim të qëndrueshëm. Po ashtu, sugjerohet rritja e përdorimit të biokarburanteve si alternativë.
