Presidenti i Shtetet e Bashkuara, Donald Trump, ka ashpërsuar tonet ndaj aleatëve, duke deklaruar se kriza në Ngushticën e Hormuzit nuk është përgjegjësi vetëm e SHBA-së.
Në një reagim të drejtpërdrejtë, ai u bëri thirrje vendeve që varen nga nafta e Gjirit të veprojnë vetë: “Shkoni dhe merreni naftën tuaj”, duke shtuar se SHBA ka furnizime të mjaftueshme për vete.
Deklaratat vijnë në një moment tensioni, pasi partnerët e NATO-s dhe Bashkimi Evropian kanë shmangur përfshirjen direkte në sigurimin e kësaj rruge jetike, duke e cilësuar konfliktin si jo të tyren. Kjo ka shkaktuar përplasje të hapur mes Uashingtonit dhe aleatëve tradicionalë si Mbretëria e Bashkuar dhe Franca.
Ngushtica, përmes së cilës kalon rreth 20% e furnizimit global me naftë, mbetet pothuajse e bllokuar për shkak të tensioneve me Iranin, duke çuar në rritje të çmimeve të karburanteve në tregjet ndërkombëtare.
Trump paralajmëroi gjithashtu se SHBA mund të ndërmarrë masa të ashpra ndaj infrastrukturës energjetike iraniane nëse ngushtica nuk rihapet, ndërsa la të hapur mundësinë që në të ardhmen të tërheqë angazhimin amerikan nga zona.
