Presidenti i Turqisë, Recep Tayyip Erdogan, dhe presidenti i Ukrainës, Volodymyr Zelenskyy, kanë zhvilluar një takim në Stamboll, ku në qendër të diskutimeve ishte thellimi i bashkëpunimit dypalësh, veçanërisht në sektorin e energjisë dhe sigurisë.
Pas takimit, Zelensky bëri të ditur se palët janë dakorduar për ndërmarrjen e “hapave të rinj” në bashkëpunimin për sigurinë, duke theksuar se ekziston vullnet politik dhe se ekipet përkatëse do të punojnë për finalizimin e detajeve teknike.
“Së pari, kjo lidhet me fushat ku mund të mbështesim Turqinë – me ekspertizë, teknologji dhe përvojë”, ka deklaruar ai.
Një nga temat kryesore të takimit ishte edhe zhvillimi i projekteve të përbashkëta në fushën e gazit natyror dhe shfrytëzimi i burimeve energjetike, duke sinjalizuar një bashkëpunim më të thellë strategjik mes dy vendeve.
Nga ana tjetër, Erdogan theksoi se Turqia do të vazhdojë të mbështesë përpjekjet për dialog mes Ukrainës dhe Rusisë, duke vënë theksin te siguria e lundrimit në Deti i Zi dhe garantimi i furnizimit energjetik.
Ndërkohë, dy të dërguar specialë të Shtetet e Bashkuara të Amerikës, Steve Witkoff dhe Jared Kushner, pritet të vizitojnë së shpejti Kievin.
Lajmi u konfirmua nga këshilltari i lartë ukrainas, Kyrylo Budanov, i cili bëri të ditur se vizita mund të zhvillohet pas festës së Pashkëve Ortodokse, më 12 prill.
Sipas tij, kjo vizitë synon ringjalljen e bisedimeve të paqes me Rusinë, të cilat kanë mbetur të bllokuara pas përshkallëzimit të konfliktit.
