Sot në Pejë pritet të mbahet një protestë e organizuar nga studentët e Universiteti “Haxhi Zeka”, me fillim nga ora 12:00 në sheshin e qytetit.
Organizatorët kanë theksuar se protesta nuk lidhet me mbështetjen e ndonjë individi të caktuar, por është një reagim qytetar ndaj, siç e cilësojnë ata, rritjes së gjuhës së urrejtjes dhe denigrimit publik.
Në fokus të reagimit është mbrojtja e vlerave të Ushtria Çlirimtare e Kosovës, për të cilën studentët thonë se po sulmohet përmes deklaratave fyese ndaj luftëtarëve, drejtuesve dhe familjeve të dëshmorëve.
Sipas tyre, kjo situatë nuk mund të kalohet në heshtje, pasi cenon kujtesën kolektive dhe sakrificën mbi të cilën është ndërtuar shteti i Kosovës.
Protesta pritet të zhvillohet në mënyrë paqësore, ndërsa organizatorët kanë bërë thirrje për pjesëmarrje të gjerë nga qytetarët, studentët dhe të gjithë ata që ndajnë të njëjtat shqetësime.
Në një kohë kur debatet për historinë po nxehen, rruga duket se po bëhet zëri i atyre që nuk duan të heshtin.
